ირანის სახელისუფლებო მედიის ინფორმაციით, გენერალ ყასემ სოლეიმანის დაკრძალვაზე ჭყლეტის დროს გარდაცვლილების რიცხვი 40-მდე გაიზარდა. ამასთანავე, ინციდენტის დრო 213 ადამიანი დაშავდა.

გენერალი სოლეიმანის დაკრძალვა მის მშობლიურ ქალაქ ქერმანში იგეგმებოდა. თუმცა იმის გამო, რომ სამგლოვიარო პროცესიის დროს ჭყლეტვა დაიწყო, გენერლის დაკრძალვა გაურკვეველი დროით გადაიდო.

ბაღდადის აეროპორტში აშშ-ს საჰაერო თავდასხმის შედეგად ირანელი გენერლის, ყასემ სოლეიმანის მოკვლას ახლო აღმოსავლეთში სიტუაციის გამწვავება მოჰყვა. სოლეიმანი ირანში მეორე ყველაზე გავლენიან ადამიანად მიიჩნეოდა. შეერთებული შტატების ხელისუფლება კი მას ტერორისტად და ამერიკელი სამხედროების საფრთხედ განიხილავდა. სოლეიმანის მკვლელობის შემდეგ ირანმა ბირთვული შეთანხმება დატოვა.

გარდა ამისა, ირანის პარლამენტმა აშშ-ს სამხედრო ძალები და პენტაგონი "ტერორისტებად" გამოაცხადა.