ოქროს გლობუსის 2020 წლის დაჯილდოებაზე Fleabag საუკეთესო კომედიურ სერიალად დასახელდა, ფიბი უოლერ-ბრიჯი კი გამარჯვებული გახდა ნომინაციაში საუკეთესო მსახიობი ქალი მუსიკალურ ან კომედიურ სერიალში.

საუკეთესო კომედიური სერიალის ნომინაციაში Fleabag-ს ისეთი შოუები უწევდა კონკურენციას, როგორებიცაა Barry, The Kominsky Method, The Politician და The Marvelous Mrs. Maisel.

გამარჯვების შემდეგ სცენაზე ასულმა სერიალის შემქმნელმა და მთავარი როლის შემსრულებელმა, ფიბი უოლერ-ბრიჯმა ტრადიციულ სამადლობელო სიტყვაში მოულოდნელად აშშ-ს ყოფილი პრეზიდენტი, ბარაკ ობამაც მოიხსენია, რომელმაც ცოტა ხნის წინ თავის ფავორიტ სერიალებს შორის Fleabag დაასახელა.

"პირადად მინდა, რომ მადლობა გადავუხადო ბარაკ ობამას, რომელმაც ჩვენი სერიალი თავის ფავორიტების სიაში შეიყვანა. ზოგიერთმა თქვენგანმა იცის, რომ ის ყოველთვის იყო ჩემი ფავორიტი. თუ ვინმემ ეს ხუმრობა ვერ გაიგეთ, რაც შეიძლება სწრაფად ნახეთ Fleabag-ის პირველი სეზონი", — განაცხადა ფიბი უოლერ-ბრიჯმა.

ასევე იხილეთ: