პარლამენტის ვიცე-სპიკერი მამუკა მდინარაძე აღნიშნავს, რომ თბილისის მთავარი ნაძვის ხე "ტრენდული და მართლა გემოვნებიანია". ნაძვის ხეზე მან თბილისის მერის, კახა კალაძის ფეისბუქლაივში ისაუბრა.

"ძალიან მაგარია კახი თბილისში. ასეთი სილამაზე, ჩემი აზრით, საამაყოა. არ ვიცი, მსოფლიოს რამდენ დედაქალაქში იქნება ასეთი სილამაზე. გუშინ გამოვიარე პირველის ნახევარზე და გადაჭედილი იყო რუსთაველი. ყველა ცდილობს, რომ ეს სილამაზე ნახოს და ჩვენი ნაძვის ხის კრიტიკოსების საყურადღებოდ, რუსული "იოლკა" ვერ დავდგით, რავიცი. ასეთია, ტრენდული და მართლა გემოვნებიანი. უამრავი ადამიანია და მე მინდა, ასეთი გახარებული იყოთ, მთელი წლის განმავლობაში", — აღნიშნა მდინარაძემ.

მანამდე კალაძემ თქვა, რომ ბევრი კრიტიკოსის მიუხედავად ქალაქს "ულამაზესი და დახვეწილი" ნაძვის ხე აქვს.

25 დეკემბერს თბილისში, პირველი რესპუბლიკის მოედანზე მილანიდან საგანგებოდ ჩამოტანილი მილიონიანი ნაძვის ხე საზეიმოდ აინთო. წარმომავლობისა და ფასის მიუხედავად ნაძვის ხემ დიდი კრიტიკა დაიმსახურა. მოქალაქეების ნაწილი ფეისბუქზე წერს, რომ ნაძვის ხე მეჩხერია, ტოტები აკლია და ფასის შესაბამისი არაა. ქალაქის მერი კი განმარტავს, რომ მსოფლიოში ახალი ტრენდია და ქვეყნები ცდილობენ, ცოცხალ ნაძვის ხესთან მიმსგავსებული საახალწლო ნაძვის ხეები დადგან.

ამავე თემაზე: