C ჰეპატიტის ელიმინაციის გეგმის განვითარების ხელშეწყობის მიზნით, საერთაშორისო მრჩეველთა ჯგუფის რიგით მეორე შეხვედრა გაიმართა.

საქართველოს შრომის, ჯანმრთელობისა და სოციალური დაცვის მინისტრმა დავით სერგეენკომ ელიმინაციის პროგრამის გაგრძელებაზე ისაუბრა:

"პროექტი გაგრძელდება იქამდე, სანამ ბოლო პაციენტი არ მიიღებს მკურნალობას. ჩვენ მოგვეცა საშუალება, რომ ჩართულობის კრიტერიუმი მოგვეხსნა და ნებისმიერს, ვინც გაივლის შესაბამის კვლევებს, მიიღოს ეს მკურნალობა. შედარებისთვის, თუ შარშან თვის განმავლობაში პროექტში შეგვეძლო 700-800 პაციენტის ჩართვა, დღეს ავედით 5000-ზე და ეს ბოლო არ არის".

კონფერენციას ესწრებოდა აშშ-ს ელჩმა საქართველოში იან კელიც. მან ელიმინაციის პროგრამის მნიშვნელობაზე ისაუბრა: "ეს პროექტი დიდ და დადებით გავლენას ახდენს ადამიანების სიცოცხლეზე".

C ჰეპატიტის ელიმინაციის პროგრამა ამერიკის შეერთებული შტატების და საქართველოს მთავრობების თანაშრომლობით ხორციელდება.