ტელეკომპანია კავკასიასთან არხის მხარდამჭერი აქცია იმართება. აქტივისტები ფინანსთა სამინისტროს მიერ რამდენიმე ტელვიზიებისთვის ინკასოს დადებას აპროტესტებენ.

ამ არხების ჩამონათვალში მოხვდა რუსთავი 2, TV პირველი, კავკასია. აქტივისტები აცხადებენ, რომ ეს ხელისუფლების ანგარიშსწორებაა კრიტიკული მედიების წინააღმდეგ.

"რუსთავი 2-ზე ალიბი იქმნება, რომ რიგორ უჭირს რუსთავი 2-ს და მერე დახურავენ. ქიბარს იმ ადგილზე კორპუსის აშენება უნდა", — განაცხადა კავკასიის დირექტორმა, ნინო ჯანგირაშვილმა.

ფინანსთა სამინისტროს შემოსავლების სამსახურმა 25 დეკემბერს TV პირველს, კავკასიასა და რუსთავი 2-ს ფინანსური ოპერაციები შეუზღუდა. TV პირველი გადასახადის გადახდის ვადის გადაწევას ერთი თვით ითხოვდა, თუმცა მან მხოლოდ ერთდღიანი ვადა მიიღო.

რამდენიმე თვის წინ, აგვისტოში ცნობილი გახდა, რომ საქართველოში ყველაზე მაღალი შემოსავლის მქონე კერძო ტელევიზიებს, რუსთავი 2-სა და იმედს და მის ჰოლდინგში შემავალ მაესტროს, ბიუჯეტის მიმართ დავალიანებაც ყველაზე მაღალი ჰქონდათ (რუსთავი 2 — 28 მილიონი, იმედი — 19 მილიონი, ხოლო მაესტრო 8 მილიონი). მაშინ ფინანსთა მინისტრმა ტელევიზიებს ვალების გადახდის გრაფიკის შეთანხმება შესთავაზა და თქვა, რომ მიმდინარე დავალიანება ყველა არხს უნდა დაეფარა.