ოპოზიციის წარმომადგენლები ე.წ. შავ სიაზე მუშაობენ, რომელშიც ყველა პირი შევა, ვინც ოპოზიციის დევნასა და უკანონო გადაწყვეტილებების აღსრულებაში მიიღებს მონაწილეობას. ამის შესახებ ოპოზიციის წევრებამა ლეიბორისტულ პარტიაში შეხვედრის შემდეგ განაცხადეს.

"მოხდება კონკრეტული გვარებითა და სახელებით იდენტიფიცირება, ვინც სასამართლოზე იტყუება, ვინც ყალბ ოქმებს ადგენენ, ვინც განზრახ და მიზანმიმართულად სისხლისსამართლებრივ პროცედურებს იყენებენ ოპოზიციური პარტიების მიმართ", — თქვა მოძრაობა ლელოს წევრმა, კახა კოჟორიძემ.

შეგახსენებთ, რომ ოპოზიციური პარტიების აბსოლუტური უმრავლესობა მას შემდეგ გაერთიანდა, რაც მმართველმა გუნდმა ბიძინა ივანიშვილის მიერ დაპირებული პროპორციული საარჩევნო სისტემის კანონპროექტი ჩააგდო. პლატფორმას, რომელიც ოპოზიციას აერთიანებს "ყველა მინუს ერთი" ჰქვია.