თბილისის მერი, კახა კალაძე ამბობს, რომ მსოფლიოში ახალი ტრენდია და ქვეყნები ცდილობენ ცოცხალ ნაძვის ხესთან მიმსგავსებული საახალწლო ნაძვის ხეები დადგან. ამის შესახებ მან დღეს, 25 დეკემბერს ნაძვის ხის ანთების ღონისძიებაზე ისაუბრა.

"მომავალი წლისთვის ვეცდებით ნატურალური ნაძვის ხე ჩამოვიტანოთ ნორვეგიიდან", — თქვა კახა კალაძე.

იტალიაში 996 853 ლარად ნაყიდი ნაძვის ხე თბილისში, პირველი რესპუბლიკის მოედანაზე რამდენიმე წუთის წინ აინთო. სატენდერო პირობების მიხედვით, ის 25 მეტრის სიმაღლის არის.

2019 წლის ნაძვის ხე თბილისის მერიამ ტენდერით იყიდა. ტენდერში იტალიურმა კომპანია IDO SRL-მა გაიმარჯვა, ამ კომპანიის წარმოებული სათამაშოებით გაფორმდება თბილისის ქუჩების ნაწილი.

ნაძვის ხეს, რომელიც ბიუჯეტს მილიონ ლარამდე უჯდება, ერთწლიანი გარანტია აქვს. მისი განათება ციმციმა LED განათებით არის.