კომპანია გრინვეიმ წელს ტრადიციულ საახალწლო სურვილებს ახალი ნატვრა — ჩვენს ქუჩებში 2020 წლიდან უფრო მეტი პასუხისმგებლიანი მძღოლის გაჩენა შემატა და საახალწლო ბარათების შექმნა ბავშვებს სთხოვა.

ასე შეიქმნა განსაკუთრებული გზავნილის მატარებელი საახალწლო მისალოცები, რომლის მიზანიცაა მძღოლებს ფეხითმოსიარულეების გათვალისწინება და მათი სავალი ნაწილის პატივისცემა შეახსენოს.

კომპანიის საახალწლო კამპანიაზე ოცამდე ბავშვმა იმუშავა და მათი ერთობლივი დიზაინით და საკომუნიკაციო გზავნილებით ის საახალწლო მისალოცი ბარათები დამზადდა, რომლითაც შესაძლებელია თქვენც მიულოცოთ ან მოგილოცონ ახალი წელი.

ამ აქტივობის იდეა გაჩნდა იმ სოციალური მიმართულებებიდან, რომელიც კომპანია გრინვეის შექმნის დღიდანვე აქვს განსაზღვრული და რომელიც გულისხმობს უსაფრთხო ავტომობილების და ტრანსპორტის მნიშვნელობის პარალელურად, აქცენტი გაკეთდეს მანქანების პასუხისმგებლიან მართვასა და გარემოს დაცვაზე.

ბავშვების თვალით დანახული ეს თემები განსაკუთრებით საინტერესო აღმოჩნდა და კომპანია გეგმავს ეს მიმართულება თავის ყოველდღიური კომუნიკაციაში აქტიურად გამოიყენოს.

მანამდე კი, დაველოდოთ პირველი მისალოცი ბარათების შედეგებს, რომლებსაც განსაკუთრებული გზავნილი და ყველასთვის სასარგებლო მიზანი აქვთ.