ენმ-ს წევრი, რომან გოცირიძე სანდრა რულოვსის მიერ არჩევნების მეორე ტურში მონაწილეობაზე უარის თქმას რულოვსის პირად გადაწყვეტილებად აფასებს და ამბობს, რომ ყოფილი პრეზიდენტის მეუღლე პარლამენტში პროპორციული სიით მაინც შევა:

"ჩვენი პარტია მეორე ტურში ბრძოლას აგრძელებს და სანამ არსებობს თეორიული შანსი, შევეცდებით, რომ ის ბოლომდე გამოვიყენოთ".

ჟურნალისტების შეკითხვას, იყო თუ არა პოლიტსაბჭო ინფორმირებული სანდრა რულოვსის გადაწყვეტილებაზე, გოცირიძე უპასუხა, რომ პარტიის შიდა საქმეებთან დაკავშირებული ინფორმაციის გარეთ გამოტანას, ზოგიერთების გულის გასახარად, არ აპირებს.

ერთიანი ნაციონალური მოძრაობის ზუგდიდის მაჟორიტარული დეპუტატობის კანდიდატმა, საქართველოს ყოფილმა პირველმა ლედიმ, სანდრა რულოვსმა გადაწყვიტა, რომ საპარლამენტო არჩევნების მეორე ტურში მონაწილეობა არ მიიღოს.