დიდი ბრიტანეთი ბოდიშს მოუხდის ათასობით გეისა და ბისექსუალს, რომლებიც სექსუალურად შეურაცხმყოფელი კანონებით გასამართლდნენ. ეს კანონები 2013 წელს გაუქმდა, როდესაც ბრიტანეთმა მეორე მსოფლიო ომის გმირი მათემატიკოსის ალან ტურინგის შეწყალება იზეიმა.

ჰომოსექსუალური ურთიერთობა ინგლისში 1967 წლამდე დეკრიმინალიზებული არ იყო.

ჯონ შარკი მთავრობისგან დიდი ხანია ითხოვდა ჰომოსექსუალებისთვის ბოდიშის მოხდას, 65 000 გასამართლებული გეი კაციდან 15 000 დღესაც ცოცხალია.

მთავრობამ განაცხადა, რომ ყველა, ვინც ურთიერთშეთანხმებული ჰომოსექსუალური სექსის გამო გასამართლდა, შეწყალებული იქნება, ხოლო ისინი, ვინც მათ შორის კვლავ ცოცხლები არიან, კრიმინალური ისტორიისაგან გათავისუფლდებიან. ინფორმაციას როიტერი ავრცელებს.

"უმნიშვნელოვანესია ბოდიში მოვუხადოთ ყველას, ვინც ისტორიულად დამამცირებელი კანონებით გასამართლდა, ისინი დღეს უდანაშაულოები არიან" - განაცხადა იუსტიციის მინისტრმა სემ გიუმამ.

ალან ტურინგი

ალან ტურინგი

ფოტო: Heritage Images / Getty Image

პატიების თხოვნის გეგმაზე მნიშვნელოვანი გავლენა იქონია "ალან ტურინგის კანონმა". ბრწყინვალე გონების მათემატიკოსმა მეორე მსოფლიო ომის დროს ნაცისტების გაუტეხელი ენიგმა კოდი გაშიფრა, რაც დიდ ბრიტანეთს საზღვაო ბლოკადისგან გათავისუფლებაში დაეხმარა.

მიუხედავად ამ დამსახურებისა, ალან ტურინგი სამსახურიდან გაათავისუფლეს. 1952 წელს ჰომოსექსუალური კავშირის გამო გაასამართლეს და ქიმიური კასტრაცია ჩაუტარეს. 2 წლის შემდეგ, 41 წლის ალან ტურინგმა თავი მოიკლა.

მრავალწლიანი კამპანიის შორის, რომელსაც მხარს უჭერდა უამრავი ადამიანი, მათ შორის ფიზიკოსი სტივენ ჰოკინგი, 2013 წელს ინგლისის დედოფალმა ელისაბედმა ტურინგი შეიწყალა და ასევე უიშვიათესად გამოყენებული უფლებით სამეფო კარის სახელით ბოდიში მოუხადა.