ბოლო დღეებში მთელი მსოფლიო სერიალ The Mandalorian-ში გამოჩენილი უსაყვარლესი პერსონაჟის, პატარა იოდას სიყვარულმა შეიპყრო.

ან როგორ შეიძლება არ გიყვარდეს ის?

პატარა იოდას პოპულარობამ ისეთ ზღვარს მიაღწია, რომ ერთგულმა ფანებმა მისი გამოსახულებით ტატუებიც კი გაიკეთეს, უამრავი სუვენირი შეიძინეს და უკვე სათამაშოს გაყიდვაში ჩაშვებასაც ელოდებიან.

ინტერნეტში აურაცხელი გიფის, ვიდეოსა თუ მიმის გავრცელების მიუხედავად, როგორც აღმოჩნდა, მის შესახებ ადამიანების ნაწილს ჯერ კიდევ არ სმენია.

მაგალითად, როცა ლორა დერნს ჰკითხეს, ნახა თუ არა პატარა იოდა, მან უპასუხა, რომ კი, კალათბურთის მატჩზე ვიხილეო.

უკაცრავად?!

ფოტო: reddit.com

მომღერალმა ჯენიფერ ლოპესმა იგივე კითხვაზე კი განაცხადა, რომ მას წარმოდგენა არ აქვს, თუ ვინაა პატარა იოდა, მაგრამ, როცა მისმა ასისტენტმა ცნობილი მიმების შესახებ შეახსენა, მან მაშინვე აღფრთოვანებით წარმოთქვა, რომ ძალიან უყვარს პატარა იოდა.

რაც შეეხება ცნობილ ამერიკელ ფილოსოფოსს, ისტორიკოსსა და მეცნიერს, ნოამ ჩომსკის, როგორც ლინგვისტიკის ექსპერტს ჰკითხეს, მისი აზრით, როგორ შეძლებდა პატარა იოდა კომუნიკაციის დამყარებას, რაზეც ნოამ ჩომსკიმ მიუგო: "ვშიშობ, რომ პატარა იოდას შესახებ არაფერი მსმენია".

როგორც ჩანს, ადამიანების ნაწილს ჯერ კიდევ წინ ელის პატარა იოდას შეყვარების ბედნიერება.