რუსთავი 2-თან საუბარში საკონსტიტუციო სასამართლოს თავდჯომარის არჩევის პროცესს სპეციალისტები აფასებენ. როგორც საკონსტიტუციო სამართლის სპეციალისტმა, კოტე ჩიკორაიმ განაცხადა, ზაზა თავაძის თავჯდომარედ შესაძლო დანიშვნა იმ პროცესების დამაგვირგვინებელი იქნება, რომელიც ე.წ. საკანონმდებლო რეფორმით დაიწყო:

"ყველაფერი მომზადდა იმისთვის, რომ დღევანდელობამდე მოვსულიყავით, გაჭიანურებულიყო საქმეები და პროცესი მისულიყო იქამდე, რომ რეალურად თავაძისთვის შექმნილიყო პირობები, რომ არჩეულიყო საკონსტიტუციო სასამართლოს თავმჯდომარედ. მიზნები შეიძლება იყოს ხელისუფლებისადმი მორჩილება, საკანონმდებლო ხელისუფლება, აღმასრულებელი ხელისუფლება თუ საკონსტიტუციო უმრავლესობა ჰქონდა და კონსტიტუციური რეფორმა ჩატარდა, შემდეგ უკვე პრეზიდენტიც, ერთადერთი შემაფერხებელი ინსტიტუცია, როგორიც უნდა იყოს საკონსტიტუციო სასამართლო, ისიც იქნება პარალიზებული ამ ნაწილში. ფაქტობრივად, იქნება ერთპიროვნული ძალაუფლება ხელისუფლების ყველა შტოში".

საკონსტიტუციო სასამართლოს თავმჯდომარის არჩევის მეორე ტურს არ გამორიცხავს კონსტიტუციონალისტთა მეორე ნაწილი.

4 საათზე საკონსტიტუციო სასამართლოს პლენუმის სხდომა გაიმართება, სადაც სავარაუდოდ სასამართლოს თავმჯდომარეს აირჩევენ. თავმჯდომარეობის კანდიდატებად ირინა იმერლიშვილი და ზაზა თავაძე არიან დასახელებულები.