ქართული ოცნებიდან წამოსული ექვსი დეპუტატი ფრაქციას ქმნის. ამის შესახებ მათ დღეს, 28 ნოემბერს პარლამენტში ისაუბრეს.

ახალ ფრაქციაში გაერთიანდნენ პარტიიდან რამდენიმე თვის წინ და რამდენიმე დღის წინ წამოსულები. მათ შორის არიან: მარიამ ჯაში, ლევან კობერიძე, ლევან გოგიჩაიშვილი, გედევან ფოფხაძე, ზვიად კვაჭანტირაძე და კობა ნარჩემაშვილი.

"ფრაქციის შექმნის მიზანია, საპარლამენტო მანდატის დარჩენილ ვადაში მაქსიმალურად პოზიტიური დღისწესრიგით იმუშაოს ყველა იმ საკთხზე, რომელიც მნიშვნელოვანია ჩვენი მოსახლეობისთვის", — განაცხადა ლევან კობერიძემ.