Apple-მა მოთხოვნა დააკმაყოფილა და რუკაზე ყირიმი რუსეთის შემადგენლობაში შეიყვანა. რუსეთის დუმის მიერ გავრცელებულ განცხადებაში ნათქვამია, რომ "ყირიმი და სევასტოპოლი ეფლის მოწყობილობებში ახლა რუსეთის ტერიტორიად ჩანს."

Apple Maps-სა და Apple Weather-ის რუსეთიდან გამოყენების დროს ყირიმი რუსულ ტერიტორიად ჩანს. თუმცა აპლიკაციების სხვა ქვეყნებიდან გახსნისას ყირიმი არც ერთი ქვეყანის შემადგენლობაში არ შედის.

Apple Weather-ში ყირიმი რუსეთის ნაწილადაა მოხსენიებული.

Apple Weather-ში ყირიმი რუსეთის ნაწილადაა მოხსენიებული.

ფოტო: Apple Weather

Apple Maps-ში რუსეთსა და ყირიმს შორის საზღვარი აღარ ჩანს.

Apple Maps-ში რუსეთსა და ყირიმს შორის საზღვარი აღარ ჩანს.

ფოტო: Apple Maps

რუსეთმა ყირიმის ანექსია 2014 წელს მოახდინა, რაც საერთაშორისო საზოგადოების უმრავლესობამ დაგმო.

ეფლი უკვე რამდენიმე თვეა რუსეთთან ამ საკითხზე მოლაპარაკებებს აწარმოებს, რადგან დუმა აპლიკაციებში ყირიმის სტატუსს შეცდომას მოიხსენიებდა.

ეფლი თავდაპირველად აცხადებდა, რომ მათ ყირიმი გაურკვეველ ტერიტორიად შეეძლოთ მოეხსენიებინათ. თუმცა, დუმის უსაფრთხოებისა და ანტიკორუფციული კომიტეტის თავმჯდომარის, ვასილ პისკაროვის თქმით, ეფლმა რუსეთის დუმის მოთხოვნა დააკმაყოფილა.

Google Maps-ში, რომელიც რუკების ერთ-ერთი ყველაზე პოპულარული აპლიკაციაა, ყირიმი არც რუსეთადაა მოხსენიებული და არც უკრაინად. თუმცა, Google Maps-ში ყირიმის რუკაზე სახელები არა უკრაინული, არამედ რუსული სტილითაა მოცემული.