სატელევიზიო შოუ Keeping Up With the Kardashians-ს ვარსკვლავმა, კიმ კარდაშიანმა ცოტა ხნის წინ ჟურნალ New York-სთვის მიცემულ ინტერვიუში გულახდილად ისაუბრა თავის პირად ცხოვრებასა და სამომავლო გეგმებზე.

როგორც გაირკვა, კიმ კარდაშიანს თავის ქმართან, მომღერალ კანიე ვესტთან თავის ჩაცმულობასთან დაკავშირებით პრობლემა ექმნება, რადგან კანიე ვესტი მიიჩნევს, რომ თავისი ცოლის ჩაცმულობა ზედმეტად სექსუალურია.

"არ ვიცოდი, რომ ჩემი ქმრისთვის ხანდახან ჩემი ჩაცმულობა ზედმეტად სექსუალური იყო, რაც მას დისკომფორტს უქმნიდა. როცა ამ საკითხზე მესაუბრება, მისი კარგად მესმის. თუმცა, საბოლოო ჯამში, ყოველთვის მაძლევს უფლებას, რომ ის ჩავიცვა, რაც მე მსურს", — თქვა კიმ კარდაშიანმა.

ამის მიუხედავად, როგორც აღმოჩნდა, ცოტა ხნის წინ გაქრისტიანებული კანიე ვესტის მოსაზრებებმა თავის ცოლზე მაინც იქონია გავლენა და კიმ კარდაშიანი თავის ჩაცმულობასა და ზოგად სტილზე დაფიქრდა:

"რაღაც მომენტში გავაცნობიერე, რომ ჩემი შვილების წინ საკუთარი ინსტაგრამის გვერდი არ უნდა გავხსნა, რადგან უმეტესად შიშველი ფოტოებითაა სავსე".

კიმ კარდაშიანი თავისი იმიჯზე ბოლო პერიოდში გადადგმულმა პოლიტიკურმა ნაბიჯებმა და თეთრ სახლში სტუმრობამაც დააფიქრა:

"ერთ დღეს თეთრ სახლში ვარ მიწვეული და მეორე დღეს ბიკინით ვაქვეყნებ ფოტოს — ამ დროს სულ ვფიქრობდი, რომ ეს ფოტო არ ენახათ, რადგან იქ შემდეგ კვირაშიც უნდა დავბრუნებულიყავი".

ფოტო: Mandel Ngan / Getty Images

ამ მილიონერი მოდელისა და ბიზნესმენის განცხადებით, ის ცდილობს ოჯახსა და ბიზნეს შორის ბალანსი დაიცვას, ხოლო სამომავლოდ წარმატებული იურისტი გახდეს:

"როცა გამძარცვეს, ამან ჩემში რაღაც უკეთესობისკენ შეიცვალა. ყველაფერი, რაც მაშინ ჩემთვის მნიშვნელოვანი იყო — თუ რამდენი ჩანთა ან მანქანა მქონდა, გაუფასურდა. არა, ახლაც მომწონს ეს ყველაფერი, მაგრამ უბრალოდ დიდ მნიშვნელობას აღარ ვანიჭებ. ეს დამეხმარა ჩემი მიზნის პოვნაში, ამიტომაც გადავწყვიტე, რომ სამართლის სკოლაში დამეწყო სწავლა, რათა ადამიანების დახმარება შევძლო."

ამის გამო, კიმ კარდაშიანის განცხადებით, აღარ აპირებს სოციალურ ქსელებში იმ რაოდენობით გამოაქვეყნოს "თამამი' ფოტოები, როგორც ადრე აკეთებდა:

"აღარ მინდა, რომ უთვალავი ბიკიანიანი ფოტო გადავიღო. აღარ მინდა თავისუფალი დრო ისე გავატარო, როგორც ამას მანამდე ვაკეთებდი — ინსტაგრამისთვის ფოტოების გადაღებით. ვაპირებ ნამდვილი ცხოვრებით ვიცხოვრო და ისე ვისიამოვნო".