ქართული ოცნების ლიდერმა გია ვოლსკიმ პარლამენტში საკადრო ცვლილებებისას, მაჟორიტარი დეპუტატების დაწინაურებაზე თქვა, რომ ეს გადაწყვეტილება მიიღეს "დეპუტატების პროფესიონალური მონაცემებიდან გამომდინარე". ამაზე ვოლსკიმ დღეს, 25 ნოემბერს ბიუროს სხდომის შემდეგ თქვა:

"დაიხდომეთ, რომ არის ერთი გუნდი და ამ გუნდის დაშლა გამოიწვევდა მძიმე პროცესებს საქართველოში. ამათ [მაჟორიტარ დეპუტატებს] არაფერი დაუშავებიათ გარდა იმისა, რომ თავისი მოსაზრება ჰქონდათ ამ საკითხებთან მიმართებით. მომავალში, როგორც კახამ [კალაძემ] აღნიშნა, საინტერესოა, საზოგადოება რა დამოკიდებულებას გამოხატავს საარჩევნო სისტემის მიმართ... გადაწყვეტილება მიიღეს მათი პროფესიონალური მონაცემებიდან გამომდინარე, ეს ერთი და მეორეს ერთი, ეს აქციები ამ გადაწყვეტილების გამო არ მიმდინარეობს, ეს თვეებია გრძელდება".

ქართულმა ოცნებამ პროპორციულ საარჩევნო სისტემაზე გადასვლის ჩამგდები სამი დეპუტატი დააწინაურა. ხუთ კომიტეტში სამი სწორედ ამ კანონპროექტის ჩამგდები დეპუტატია.

საპროცედურო საკითხთა კომიტეტის თანამდებობაზე წარადგინეს გურამ მაჭარაშვილი, რომელმაც მხარი არ დაუჭირა პროპორციულ სისტემას. ევროინტეგრაციის კომიტეტში წარადგინეს დავით სონღულაშვილი, რომელიც, ასევე, მაჟორიტარული სისტემის მომხრეა და მისივე თანამოაზრე, ნინო წილოსანი გარემოს დაცვის კომიტეტის თავმჯდომარე ხდება.