პრემიერ-მინისტრ გიორგი გახარიას სურს, რომ უცხოურ ვალუტაში დაკრედიტების ზღვარმა 200 000-დან 100 000 ლარამდე დაიწიოს. ამის შესახებ მან დღეს მთავრობის სხდომაზე განაცხადა.

გახარიამ მოუწოდა ფინანსთა მინისტრს, რომ შეისწავლოს ეკონომიკური ზრდის დაჩქარების რისკები და ის შემზღუდველი ელემენტი, რომელიც უცხოურ ვალუტაში დაკრედიტებისთვის დაწესეს, დაწიოს. გახარიამ მოსთხოვა მას, მომდევნო მთავრობის სხდომაზე წარადგინოს გეგმა იმისა, თუ რამდენად არის ეს შესაძლებელი.

პრემიერმა განაცხადა, რომ ქვეყანაში მთავარი გამოწვევა ეკონომიკაა და აღნიშნა, რომ "უპასუხისმგებლო ოპოზიციის" ქცევა, საპროტესტო აქციები და "დესტაბილიზაცია" ამ სფეროზე დიდ გავლენას ახდენს. მისივე თქმით, ქართულმა ოცნებამ და საქართველოს მთავრობამ, როგორც "პასუხისმგებლიანმა ძალამ" გარკვეული ნაბიჯები უნდა გადადგან იმისთვის, რომ მსგავ გამოწვევებსაც შესაბამისი პასუხი გასცენ.