უმრავლესობის წევრი, გია ვოლსკი სტრასბურგის სასამართლოს მიერ მერაბიშვილის საქმეზე იუსტიციის სამინისტროს საჩივრის განსახილველად მიღებას აფასებს და ამბობს, რომ მნიშვნელოვანია სასამართლომ საქმე ფართო შემადგენლობით განიხილოს:

"მოლოდინი გვაქვს ის, რაც რეალურად არსებობს უკვე. პირველი, პოლიტიკური შემადგენელი ამ ნაწილს და ამ გადაწყვეტილებას არ ჰქონია და არც მომავალში ექნება და მეორე, რეალურად ჩვენ უნდა ვიცოდეთ, დავაკელით თუ არა მართლაც გამოძიებას რაიმე, მისი კამერიდან გაყვანის საკითხთან დაკავშირებით იყო თუ არა გამოძიება სრულფასოვნად ჩატარებული".

საქართველოს იუსტიციის სამინისტრო აცხადებს, რომ 2016 წლის 17 ოქტომბერს, ადამიანის უფლებათა ევროპული სასამართლოს 5 მოსამართლისგან შემდგარმა კოლეგიამ დააკმაყოფილა საქართველოს მთავრობის მოთხოვნა და წარმოებაში მიიღო საჩივარი, რომლითაც იუსტიციის სამინისტრომ ივანე მერაბიშვილის საქმეზე ამავე სასამართლოს ერთ-ერთი პალატის მიერ 2016 წლის 14 ივნისს გამოტანილი გადაწყვეტილება გაასაჩივრა.