პატრიოტთა ალიანსის ლიდერი, ირმა ინაშვილი ყველა პარტიის მხარდამჭერებს მობილიზაციისკენ მოუწოდებს. ამის შესახებ მან საზოგადოებრივ მაუწყებელს განუცხადა.

"ჩვენი პარტია აცხადებს სრულ მობილიზაციას. მობილიზაციისკენ მოვუწოდებთ ყველა ჩვენს მხარდამჭერს. ასევე, სხვა პარტიების მხარდამჭერებსაც მოვუწოდებ მობილიზაციისკენ. ახლა აღარ არის გარჩევის დრო, ესა და ის პარტია, ყველამ უნდა გააერთიანოს ძალები", — ამბობს ინაშვილი.

კითხვაზე, ეხება თუ არა ეს მოწოდება ნაციონალურ მოძრაობასაც, ინაშვილმა თქვა, რომ ყველას გულისხმობს.

პარლამენტმა პროპორციულ საარჩევნო სისტემაზე გადასვლის კანონპროექტი ჩააგდო. 101 მომხრე, 3 წინააღმდეგი, კანონპროექტის მისაღებას 113 ხმა იყო საჭირო.