თბილისის ზღვაზე ადამიანის მკვლელობაში ბრალდებული პარლამენტში პატრიოტთა ალიანსის დეპუტატის, ემზარ კვიციანის ძმის შვილი, ბექა კვიციანია.

გამოძიების ინფორმაციით, თბილისის ზღვის შემოვლითი გზის მიმდებარე ტერიტორიაზე კვიციანმა 1983 წელს დაბადებულ პირს ცეცხლსასროლი იარაღიდან რამდენჯერმე ესროლა და შემთხვევის ადგილიდან მიიმალა. მიყენებული ჭრილობების გამო დაშავებული ადგილზე გარდაიცვალა.

გამოძიება განზრახ მკვლელობისა და ცეცხლსასროლი იარაღის უკანონო შეძენა-შენახვა-ტარების საქმეზე სისხლის სამართლის კოდექსის 108-ე მუხლით და 236-ე მუხლის მე-3 და მე-4 ნაწილებით მიმდინარეობს. დანაშაული 7-დან 15 წლამდე ვადით თავისუფლების აღკვეთას ითვალისწინებს.