ყველა იმ ადამიანს, ვინც And Then We Danced-ის ჩვენებას ამირანში ძალადობრივი აქციის გამო ვერ დაესწრო, კინოთეატრები ეპატიჟებიან. ამის შესახებ On.ge-ს კინოთეატრების მარკეტინგის სამსახურიდან აცნობეს.

"ჩვენ ყველა მათგანს დღეს ვეპატიჟებით კინოთეატრში", — აცხადებს კინოთეატრების მარკეტინგის მენეჯერი გვანცა გარმელია.

ის მოუწოდებს ყველა იმ მაყურებელს, რომელსაც დღეს, 9 ნოემბრის 07:30 საათზე ჩანიშნულ სეანსზე აქვს ბილეთი შეძენილი, კინოში 6 საათიდან მივიდნენ. ყველას, ვისაც ფილმზე დასწრება სურს, თან უნდა ჰქონდეს გუშინდელი (გამოუყენებელი) ან დღევანდელი ბილეთი.

"იმედს გამოვთქვამთ, რომ დღეს და ხვალ დაგეგმილი სეანსები მშვიდ გარემოში ჩაივლის რისთვისაც ჩვენ კვლავაც აქტიურად ვითანამშრომლებთ სამართალდამცავ ორგანოებთან, ისევე ეფექტურად და კოორდინირებულად, როგორც გუშინ", — ამბობს ის.

მისივე ინფორმაციით, ძალადობრივი აქცია კინოთეატრ ამირანში სეანსების დასრულების შემდეგ არ დასრულებულა. დილით კინოთეატრის გარე მონიტორები ჩაამსხვრიეს.