Then We Danced-ის რეჟისორი, ლევან აკინი ამბობს, რომ ამაყია, რადგან მისი ფილმის ჩვენება არცერთ ქართულ კინოთეატრში არ გაუქმებულა. ასე გამოეხმაურა ის აქციების ფონზე მისი ფილმის კინოთეატრებში ჩვენებას ინსტაგრამზე.

"ამაყი ვარ, რომ არც ერთმა კინოთეატრმა არ გააუქმა დაგეგმილი კინოჩვენებები და სოლიდარობა გამოუცხადა მას. ქართველმა მაყურებელმა ფილმი ნახა! აღფრთოვანებული ვარ ყველა იმ ადამიანით, ვინც არ შეუშინდა და იდგა მყარად", — წერს აკინი ინსტაგრამზე.

გუშინ, 8 ნოემბერს საქართველოს რამდენიმე კინოთეატრში Then We Danced-ის კინოჩვენება გაიმართა. იმის მიუხედავად, რომ მოქალაქეებმა დასასწრები ბილეთები იყიდეს, ჰომოფობიური ჯგუფები მიიჩნევდნენ, რომ კინოჩვენება არ უნდა გამართულიყო.

აქციაზე, როგორც ყოველთვის, ძალადობრივი მოწოდებები ისმოდა. ბოლო ინფორმაციით, დაშავდა ორი პოლიციელი, პოლიციის მანქანა, ჯამში კი 25-ზე მეტი ადამიანია დაკავებული.