2020 წლის მარტიდან ავიაკომპანია Etihad Airways აბუ დაბი-თბილისის მიმართულებით ფრენებს იწყებს. ამის შესახებ თბილისის საერთაშორისო აეროპორტის პრესსამსახური ავრცელებს ინფორმაციას.

მათი ცნობით, ზაფხულის სეზონზე პირდაპირი რეისები ყოველდღიურად, Airbus 321 ტიპის საჰაერო ხომალდებით განხორციელდება. 2013 წლიდან Etihad Cargo თბილისის საერთაშორისო აეროპორტში სატვირთო გადაზიდვებს ახორციელებს.

Etihad Airways 2003 წელს დაფუძნდა. დღეისათვის არაბთა გაერთიანებული საამიეროების რიგით მეორე უმსხვილესი ავიაკომპანია, ფრენებს 400 სხვადასხვა მიმართულებით ასრულებს.