შმაქსისტები აცხადებენ, რომ პატრული მათ სტუდენტებზე ზეწოლას ცდილობს იმისთვის, რომ ლექტორები დააჯარიმონ. მათი განმარტებით, სამართალდამცავები სტუდენტებს "ჩამჭრელ კითხებს უსვამენ" და ცდილობენ ათქმევინონ, რომ სწავლის ნაცვლად მგზავრობენ.

"ისეთ კითხვებს აძლევენ, გეგონება გამოცდაზე იყვნენ უნივერსიტეტში. რისი უფლებაც საპატრულო პოლიციას არ აქვს. ეგენიც გამოდიან, როგორც ლექტორები რა, ჩვენსავით.

სტუდენტებს ვეძახით მათ და ჩვენს სტუდენტებზე ზეწოლა არ არის სასიამოვნო", — განაცხადა შმაქსისტმა პრაიმტაიმთან საუბრისას.

პოლიციის ამ დამოკიდებულების და ჯარიმების გასაპროტესტებლად შმაქსისტები ამ წუთებში მორიგ საპროტესტო აქციას მართავენ. გირჩის ლიდერები მოითხოვენ, რომ გაუქმდეს აქამდე გამოწერილი ყველა ჯარიმა. ისინი მსვლელობით მიემართებიან შინაგან საქმეთა სამინისტროსკენ.

შმAXI-ს ყიდვით ამერიკული კომპანია Creactivity Productions Inc. არის დაინტერესებული. გირჩში კომპანიასთან მოლაპარაკებებს ადასტურებენ.

გირჩმა შმაქსი მას შემდეგ დააარსა, რაც ტაქსების რეგულაციები ამოქმედდა. მათი თქმით, აღნიშნულ პროექტს საგანმანათლებლო ფუნქცია აქვს.