MAN-ის ფირმის იმ 40 ავტობუსიდან, რომელიც თბილისში 3 მაისს უნდა ყოფილიყო, 7 ავტობუსი ჩამოიყვანეს. ავტობუსების ჩამოყვანის შესახებ თბილისის მერმა, კახა კალაძემ მოსახლეობას პირდაპირი ეთერის საშუალებით ამცნო. კადრში ასევე ჩანდა ISUZU-ს მარკის ავტობუსები.

ხელშეკრულების მიხედვით, ჯამში 90 ათმეტრიანი მწვანე ავტობუსი თბილისში 3 მაისს უნდა ყოფილიყო. თუმცა ამ დრომდე ხელშეკრულებით ნაკისრი ვალდებულებები არ შესრულებულა. ხელშეკრულების მიხედვით, ჯარიმა ყოველ ვადაგადაცილებულ დღეზე შემოსაყვანი ავტობუსების ღირებულების 0,2 პროცენტია. 40 ავტობუსზე დღიურად ჯარიმა 40 ათასი ლარია.

პირობების დარღვევისთვის კომპანია, წესით, რამდენიმე მილიონით უნდა დაჯარიმდეს.