მას შემდეგ, რაც ერთ-ერთი ყველაზე დიდი ავიაკომპანიის, United Airlines-ის ფრენები მსოფლიოს სხვადასხვა მიმართულებით "სისტემის ხარვეზის" გამო გადაიდო, მოწინავე ავიაკომპანიებზე კიბერ თავდასხმების განხორციელების მოლოდინი კიდევ უფრო გაიზარდა.

United-ის წარმომადგენელმა The Independent-ს უთხრა: "საქმის კურსში ვართ სისტემის ხარვეზთან დაკავშირებით, რომელმაც ფრენების განხორციელება შეაყოვნა. ვმუშაობთ, რომ საკითხი გადავჭრათ და რაც შეიძლება მალე ჩავიყვანოთ ჩვენი მომხმარებლები დანიშნულების ადგილას. ბოდიშს ვიხდით უხერხული სიტუაციის შექმნისთვის."

ათასობით მგზავრს, რომელიც კომპიუტერულ სისტემაზე ჰაკერული შეტევის გამო აეროპორტებში არიან ჩარჩენილი, United ჰპირდება, რომ პრობლემა უახლოეს საათებში აღმოიფხვრება.

United Airlines მსოფლიოს სიდიდით მესამე ავიაკომპანიაა, Delta-სა და American-ის შემდეგ.

აგვისტოში Delta Airlines-ის სისტემის პრობლემების გამო ასობით ფრენა გაუქმდა და ათასობით გადაიდო. კომპანიამ სისტემის ხარვეზებზე ბრალდებები უარყო, თუმცა კიბერუსაფრთხოების ექსპერტები სკეპტიკურად იყვნენ განწყობილნი.