გაზეთ რეზონანსისთვის მიცემულ ინტერვიუში ქართული ოცნების წევრი და სოციალ-დემოკრატების ლიდერი გია ჟორჟოლიანი აცხადებს, რომ არჩევნებმა ობიექტურ გარემოში ჩაიარა და მარნეულისა და ზუგდიდის ინციდენტებს მის საერთო სურათზე გავლენა არ მოუხდენია.

ჟორჟოლიანი აცხადებს, რომ ნაციონალური მოძრაობის შედეგი (27,12%) მისთვის მოულოდნელი იყო:

"მეგონა, რომ ნაცმოძრაობის მხარდაჭერა მაქსიმუმ 20% იქნებოდა, შეიძლება ითქვას, რომ შევცდი".

ჟორჟოლიანი დასძენს, რომ ამომრჩევლის ნაწილი პროპაგანდის ქვეშ მოექცა.

რაც შეეხება პატრიოტთა ალიანსს, სოციალ-დემოკრატების თავჯდომარე აცხადებს, რომ ამ პარტიას მოსახლეობის მნიშვნელოვანი ნაწილის მხარდაჭერა აქვს:

"ვნახოთ, როგორი იქნება ეს პარტია საკანონმდებლო სივრცეში, ჩვენი შეხედულებები განსხვავდება, მაგრამ ეს არის დემოკრატიული ძალა. მთავარია, რომ ეს არ გახლავთ დანაშაულებრივი ძალა, როგორიც ნაციონალური მოძრაობაა".