დღეს მოსამართლეებმა საკონსტიტუციო სასამართლოს თავმჯდომარეობის ორი კანდიდატი, ირინა იმერლიშვილი და ზაზა თავაძე დაასახელეს.

საკონსტიტუციო სასამართლოს მოსამართლემ, მაია კოპალეიშვილმა ირინა იმერლიშვილის კანდიდატურა წარადგინა. მან ჟურნალისტებთან საუბარში აღნიშნა, რომ მისი გადაწყვეტილების სისწორეში დარწმუნებულია:

„წარვადგინე ქალბატონი ირინე იმერლიშვილის კანდიდატურა, დანარჩენი მოსამართლეები თვითონ არიან უფლებამოსილი, რომ საკუთარ კანდიდატებზე თვითონ ისაუბრონ. ეს დასახელებები არ მომხდარა პლენუმის მუშაობის ფორმატში, წარდგენები მოსამართლეებმა დავაყენეთ ცალ-ცალკე."

საქართველოს საკონსტიტუციო სასამართლოს სამართლებრივმა მრჩეველმა გიორგი ლომთათიძემ აღნიშნა, რომ თავმჯდომარის კანდიდატურების განხილვასა და არჩევასთან დაკავშირებით პლენუმის სხდომა 20 ოქტომბერს გაიმართება.