10 საშინელებათა ჟანრის წიგნი, რომელიც ჰელოუინზე უნდა წაიკითხოთ
მსოფლიოს მრავალ კუთხეში 31 ოქტომბერს განსაკუთრებული განწყობით ხვდებიან: ეს ის დღეა, როცა საშიში ისტორიები კიდევ უფრო შემზარავი ხდება, თუმცა ეს ფაქტი ადამიანებს კი არ აფრთხობს, პირიქით - შიში იმ აუცილებელ ატრიბუტად იქცევა, რომელიც ამ დღეს გამორჩეულ ხიბლს მატებს.
უკვე გიამბეთ გამორჩეული ჰორორ ფილმების შესახებ, ახლა კი დროა ის ლიტერატურული მაგალითებიც გავიხსენოთ, რომლებიც ყველაზე საშიშ ისტორიებს მოგვითხრობს, რადგან ზოგიერთ ჩვენგანს ეკრანზე ნანახი შემაძრწუნებელი სცენების ნაცვლად ურჩევნია ფურცლებზე ამოკითხულ ამბავს საკუთარი ფანტაზიით შეასხას ხორცი.
1. კრავთა დუმილი - თომას ჰარისი
1988 წელს თომას ჰარისმა გამოაქვეყნა წიგნი, რომელმაც არა მარტო ლიტერატურაში, არამედ კინოხელოვნებაშიც განსაკუთრებული სახელი მოიპოვა - წიგნის მიხედვით გადაღებულმა ფილმმა 1991 წელს ოსკარების დაჯილდოების ხუთ ნომინაციაში გაიმარჯვა.
კრავთა დუმილი კანიბალი სერიული მკვლელის, ჰანიბალ ლექტერისა და FBI-ს აგენტის, კლარის სტერლინგის ურთერთსაწინააღმდეგო ემოციებით სავსე ურთიერთობის შესახებ მოგვითხრობს, რომელიც მკითხველს წიგნის კითხვის პროცესში მუდმივად დაძაბულ მდგომარეობაში ამყოფებს.
2. მიზერი - სტივენ კინგი
სტივენ კინგი რომ საშინელებათა ჟანრის ნამდვილი დიდოსტატია, ეს უკვე საყოველთაოდაა ცნობილი. მის შემოქმედებაში კი, რომელიც სხვადასხვა ჟანრის ათეულობით წიგნს მოიცავს, მიზერი ნამდვილად ერთ-ერთი ყველაზე შთამბეჭდავი ნაწარმობია.
წიგნი ცნობილი მწერლისა და მისი გულმხურვალე ფანის იმდენად სულისშემძვრელ ისტორიას მოგვითხრობს, რომ კითხვის პროცესში მკითხველი ხანდახან იძულებულია წიგნი დახუროს და დასამშვიდელად ღრმად ისუნთქოს.
წიგნის მიხედვით გადაღებულ ასევე ცნობილ ეკრანიზაციაში შესანიშნავად შესრულებული როლით მსახიობი კეტი ბეიტსი ოსკარის გამარჯვებულიც გახდა ქალის საუკეთესო როლის ნომინაციაში.
3. გაუჩინარებული ქალი - გილიან ფლინი
2012 წელს გილიან ფლინის ავტორობით გამოქვეყნებული ეს რომანი საერთაშორისო სენსაციად იქცა: მილიონობით გაყიდულ ეგზემპლართან ერთად, გაუჩინარებული ქალი თავისი მოულოდნელი სიუჟეტური განვითარებითა და ამბის თხრობის სტილით დადებითად შეაფასეს ლიტერატურის კრიტიკოსებმა.
თრილერის ჟანრის ეს წიგნი, რომელიც მკითხველს წარმოუდგენლად დაძაბული საქმის გამოძიებაში ითრევს, განსაკუთრებით ცნობილი ამავე სახელწოდების მქონე ეკრანიზაციის გადაღების შემდეგ გახდა, რომლის რეჟისორიც დევიდ ფინჩერია.
4. ფსიქოპათი - რობერტ ბლოხი
რობერტ ბლოხი საშინელებათა ჟანრის კლასიკოსია, რომლის სახელის უკვდავყოფაშიც განსაკუთრებული როლი ალფრედ ჰიჩკოკმა ითამაშა. ამ ცნობილი რეჟისორის ერთ-ერთი ყველაზე გახმაურებული ფილმი ფსიქოპათი სწორედ რობერტ ბლოხის ამავე სახელწოდების მქონე ნაწარმოების ეკრანიზაციაა.
ბლოხისა და ჰიჩკოკის მიერ შექმნილი მთავარი გმირი, ნორმან ბეითსი ერთ-ერთ ყველაზე დასამახსოვრებელ პერსონაჟად ითვლება კინოსა თუ ლიტერატურის ისტორიაში, რადგან მისი ფსიქოლოგიური არქეტიპი განურჩევლად ყველა გემოვნების ადამიანზე ერთნაირ - შოკისმომგვრელ შთაბეჭდილებას ტოვებს.
5. სუნამო - პატრიკ ზიუსკინდი
გერმანელმა მწერალმა, პატრიკ ზიუსკინდმა მოახერხა და დაწერა ისეთი წიგნი, რომელიც ერთდროულად, როგორც შთამბეჭდავი ისტორიული რომანი, ისე იშვიათად საინტერესო საშინელებათა ჟანრის წიგნია, რომელიც მაგიური რეალიზმის დეტალებსაც შეიცავს.
სუნამო მეთვრამეტე საუკუნის საფრანგეთში მცხოვრები ჟან-ბატისტ გრენუის შესახებ მოგვითხრობს, რომელიც განსაკუთრებით ძლიერი ყნოსვის შეგრძნებითაა დაჯილდოებული, რაც მთლიანად განსაზღვრავს კიდეც მისი ცხოვრების ტრაგიკულ ბედს.
6. ის - სტივენ კინგი
მხოლოდ სტივენ კინგს შეუძლია ათასზე მეტი გვერდის მოცულობის წიგნი ისე დაწეროს, რომ ერთი ამოსუნთქვით წაიკითხო. წიგნი თავიდან ერთგვარ საბავშვო სათავგადასავლო საკითხავს ჰგავს, მაგრამ მკითხველი მალევე რწმუნდება, რომ წიგნში მოთხრობილი მთავარი გმირების, შვიდი ბავშვის თავს რაღაც წარმოუდგენლად შემაძრწუნებელი ამბავი დატრიალდება.
ამ წიგნში აღწერილი საზარელი კლოუნი კი - პენივაიზი - ერთ-ერთ ყველაზე საშიშ ურჩხულად ითვლება ჟანრულ ლიტერატურაში, რომლის შესახებაც უკვე ორჯერ გადაიღეს ცნობილი ჰოლივუდური ეკრანიზაცია, მათ შორის ბოლოს ვარსკვლავური შემადგენობით.
7. ამერიკელი ფსიქოპათი - ბრეტ ისტონ ელისი
ამერიკელი ფსიქოპათი თანამედროვე ამერიკული ლიტერატურის ერთ-ერთი თვალსაჩინო ნიმუშია, რომელმაც თავისი შინაარსობრივი დეტალებით მთელს მსოფლიოში დიდი აჟიოტაჟი გამოიწვია. გარდა იმისა, რომ წიგნი სასტიკი მკვლელის, პატრიკ ბეიტმენის შემზარავი ქმედებების შესახებ მოგვითხრობს, ის თანამედროვე კულტურის გულახდილ, შეულამაზებელ კრიტიკასაც წარმოადგენს.
წიგნს ბევრ რამეში დასდეს ბრალი და თავდაპირველად ავტორს მისი გამოქვეყნებისასაც კი შეექმნა პრობლემები, მაგრამ საბოლოოდ ის არაერთმა ლიტერატურულმა კრიტიკოსმა აღიარა ერთ-ერთ ყველაზე საინტერესო ლიტერატურულ ექსპერიმენტად.
8. როზმარის შვილი - აირა ლევინი
აირა ლევინმა მოახერხა, რომ მეოცე საუკუნის 60-იან წლებში საშინელებათა ჟანრით მილიონობით მკითხველი დაეინტერესებინა, მეტიც - ამ წიგნმა მთლიანად ჟანრის შემდგომ განვითარებაზეც იქონია დიდი გავლენა.
წიგნის მიხედვით რეჟისორმა რომან პოლანსკიმ ამავე სახელწოდების ასევე ძალიან ცნობილი ფილმი გადაიღო. საბოლოოდ კი წიგნისა და ფილმის პოპულარობა იმდენად დიდი იყო, რომ ამან სატანური რიტუალების მიმართ მრავალი ადამიანის დაინტერესებაც კი გამოიწვია.
9. ქთულჰუს ძახილი - ჰოვარდ ლავკრაფტი
ამერიკელ მწერალს, ჰოვარდ ლავკრაფტს საშინელებათა ჟანრის განვითარებაში განსაკუთრებული წვლილი მიუძღვის: მეოცე საუკუნის დასაწყისში მან შექმნა ისეთი ნაწარმოებები, რომელთა კვალი ერთი საუკუნის შემდეგაც კი ატყვია თანამედროვე ჟანრულ ლიტერატურას.
მისი ყველაზე ცნობილი ნაწარმოები ქთულჰუს ძახილია, რომელიც იმდენად რეალისტურად მოგვითხრობს გამოგონილი შემზარავი მონსტრის შესახებ, რომ ბევრ მკითხველს დღემდე სჯერა მისი არსებობის.
10. ანიჰილაცია - ჯეფ ვენდერმეერი
2014 წელს ჯეფ ვენდერმეერმა გამოაქვეყნა წიგნი, რომელმაც წარმოუდგენლად რადიკალური, ურთიერთსაწინააღმდეგო შეფასებები დაიმსახურა - მკითხველთა ნაწილი აღფრთოვანებული იყო წიგნით, ნაწილს კი პირიქით - სძულდა ის.
ეს ფაქტი გასაკვირი სულაც არ არის, რადგან ანიჰილაცია მართლაც სრულიად უცნაური წიგნია, რომელიც კითხვის დასრულების შემდეგაც კი უამრავ სისხლისგამყინავ კითხვას გიტოვებს. ავტორი ახერხებს, რომ თავისი საოცრად დახვეწილი ენით წარმოუდგენლად მშვენიერი და ამავდროულად შემზარავი სამყარო მცირეტანიან წიგნში მომაჯადოვებლად აღწეროს.
-
-
გადახედვასაქართველოს 10 საუკეთესო გამოსვლა ევროვიზიაზე საქართველოს 10 საუკეთესო გამოსვლა ევროვიზიაზე
-
გადახედვამასშტაბური კვლევის თანახმად, ვიაგრა ალცჰაიმერის განვითარების რისკებს 50%-ით ამცირებს მასშტაბური კვლევის თანახმად, ვიაგრა ალცჰაიმერის განვითარების რისკებს 50%-ით ამცირებს
-
გადახედვაახალი რობოტი ადამიანის სახის გამომეტყველებას იმეორებს ახალი რობოტი ადამიანის სახის გამომეტყველებას იმეორებს
-
-
გადახედვამედიაკოალიცია სამართალდამცავ უწყებებს მოუწოდებს, ჟურნალისტ ნატო გოგელიას სახლში შეღწევისა და ქონების დაზიანების ფაქტი დროულად გამოიძიონ მედიაკოალიცია სამართალდამცავ უწყებებს მოუწოდებს, ჟურნალისტ ნატო გოგელიას სახლში შეღწევისა და ქონების დაზიანების ფაქტი დროულად გამოიძიონ
-
გადახედვაროგორ აისახება ყინულის დნობა დღის ხანგრძლივობაზე? — ახალი კვლევა როგორ აისახება ყინულის დნობა დღის ხანგრძლივობაზე? — ახალი კვლევა
-
გადახედვავინ იქნება Neuralink-ის შემდეგი პაციენტი — რა ვიცით ვინ იქნება Neuralink-ის შემდეგი პაციენტი — რა ვიცით
-
გადახედვა340 000 ლარზე მეტი ოდენობის თანხის თაღლითურად დაუფლების ფაქტზე, ორ პირს ბრალდება წარედგინა 340 000 ლარზე მეტი ოდენობის თანხის თაღლითურად დაუფლების ფაქტზე, ორ პირს ბრალდება წარედგინა
-
გადახედვამამუკა ხაზარაძე: რეალურად, ვდგავართ ძალიან დიდ გზაჯვარედინზე — ან ევროპა ან რუსეთი მამუკა ხაზარაძე: რეალურად, ვდგავართ ძალიან დიდ გზაჯვარედინზე — ან ევროპა ან რუსეთი
-
გადახედვაინტერნეტის სიჩქარე რამდენიმე მილიონჯერ გაზარდეს — როგორ გადაიტანეს წამში 301 ტერაბიტი ინტერნეტის სიჩქარე რამდენიმე მილიონჯერ გაზარდეს — როგორ გადაიტანეს წამში 301 ტერაბიტი
-
გადახედვაფრინველის გრიპი ძროხებში ვრცელდება — რა უნდა ვიცოდეთ ფრინველის გრიპი ძროხებში ვრცელდება — რა უნდა ვიცოდეთ
-
გადახედვაახალი სურათი ჩვენი გალაქტიკის შავი ხვრელის მაგნიტური ველის სტრუქტურას გვიჩვენებს ახალი სურათი ჩვენი გალაქტიკის შავი ხვრელის მაგნიტური ველის სტრუქტურას გვიჩვენებს
-
გადახედვაკვლევის მიხედვით, თაობიდან თაობამდე ტვინების ზომა იზრდება — რას შეიძლება ნიშნავდეს ეს კვლევის მიხედვით, თაობიდან თაობამდე ტვინების ზომა იზრდება — რას შეიძლება ნიშნავდეს ეს
-
გადახედვაემა სტოუნს Poor Things-ის რეჟისორის ახალ ფილმში ვიხილავთ — ნახე ტრეილერი ემა სტოუნს Poor Things-ის რეჟისორის ახალ ფილმში ვიხილავთ — ნახე ტრეილერი
-
გადახედვაბაკურიანში, თოვლის მასაში ერთი ადამიანია მოყოლილი — ადგილზე მუშაობენ მაშველები ბაკურიანში, თოვლის მასაში ერთი ადამიანია მოყოლილი — ადგილზე მუშაობენ მაშველები
-
გადახედვაახალგაზრდებმა ზეწოლა არ უნდა იგრძნონ, თუ ადრეულ ასაკში სექსი არ აქვთ — რებელ უილსონი ახალგაზრდებმა ზეწოლა არ უნდა იგრძნონ, თუ ადრეულ ასაკში სექსი არ აქვთ — რებელ უილსონი
-
გადახედვალაზარე გრიგორიადისის საქმეზე დასკვნითი სხდომა კვლავ გადაიდო ლაზარე გრიგორიადისის საქმეზე დასკვნითი სხდომა კვლავ გადაიდო
-
გადახედვა2026 წელს ასტრონავტები მთვარეზე მცენარეებსაც წაიღებენ 2026 წელს ასტრონავტები მთვარეზე მცენარეებსაც წაიღებენ
-
გადახედვაBlack Sea Arena-ზე Scorpions და OneRepublic მაისში კონცერტებს გამართავენ Black Sea Arena-ზე Scorpions და OneRepublic მაისში კონცერტებს გამართავენ
-
გადახედვააზერბაიჯანი ევროკავშირისა და აშშ-ის სომხეთთან დაგეგმილი შეხვედრის გამო აღშფოთებულია აზერბაიჯანი ევროკავშირისა და აშშ-ის სომხეთთან დაგეგმილი შეხვედრის გამო აღშფოთებულია
კომენტარები