საძიებო პლატფორმა Lyst-მა წელსაც გამოაქვეყნა ყველაზე პოპულარული მოდის ბრენდების სია და მისი ინდექსის მიხედვით, ბალენსიაგა მეორე ადგილზეა, ხოლო ვეტმო — მეათეზე.

Lyst-მა ონლაინ შოპინგისის დროს 9 მილიონი მომხმარებლის მიერ გამოვლენილი მახასიათებლები და ამის გარდა, 12 ათასი დიზაინერის ონლაინ პროდუქციის პოპულარობა შეისწავლა. მონაცემების შემუშავების შემდეგ, მისი ინდექსით 20 ყველაზე პოპულარული ბრენდი გამოვლინდა.

გასულ წელს, პირველ ადგილს ბალენსიაგა იკავებდა, ამჯერად კი ესპანურმა მოდის სახლმა, რომელსაც დემნა გვასალია ხელმძღვანელობს, მეორე ადგილზე გადაინაცვლა. პირველ ადგილზეა Off-White™, ხოლო მესამეზე — ალესანდრო მიკელეს გუჩი. ათეულს ვეტმო ასრულებს, რომელიც დემნამ სექტემბერში დატოვა, თუმცა ფრანგულ ბრენდში მისი ძმა, გურამ გვასალია დარჩა.

წლის ყველაზე მოთხოვნადი მოდის ბრენდების ათეული ასეთია:

  1. Off-White™;
  2. Balenciaga;
  3. GUCCI;
  4. Versace;
  5. Prada;
  6. Valentino;
  7. Fendi;
  8. Burberry;
  9. Saint Laurent;
  10. Vetements.

ნახეთ, როგორი იყო გასული წლის ყველაზე პოპულარული ბრენდის ათეული.