თავისუფალი დემოკრატების აღმასრულებელმა მდივანმა, თამარ კეკენაძემ On.ge-სთან საუბარში განაცხადა, რომ პარტია პოლიტიკურ მოღვაწეობას დამოუკიდებლად აპირებს და პოლიტიკური სუბიექტისთვის ახლა მთავარი პრიორიტეტი განახლება და თვითმმართველობის არჩევნებისთვის მომზადებაა:

"რაც შეეხება არჩევნების მეორე ტურს, ჩვენ მხოლოდ ერთი კანდიდატის მხარდაჭერას ვაპირებთ. ეს არის თავისუფალი დემოკრატების მაჟორიტარობის კანდიდატი ჭიათურაში - თემურ გაფრინდაშვილი".

8 ოქტომბრის არჩევნების შედეგების თანახმად, თავისუფალმა დემოკრატებმა ხუთპროცენტიანი ბარიერი ვერ გადალახეს და პარლამენტში ვერ მოხვდნენ. მათ ასევე ვერ მოიპოვეს პირველობა მაჟორიტარულ ოლქებშიც. აღნიშნულის შემდეგ პარტია დატოვა ირაკლი ალასანიამ და პარტიის სხვა წევრებმა.