ერთ უიღბლო ბრაზილიელ კაცზე მოგიყვებით, რომელმაც ერთ დღესაც გადაწყვიტა, რომ თავისი სახლის დაუპატიჟებელ სტუმრებს სასტიკად გასწორებოდა, თუმცა, ყველაფერი მთლად გეგმის მიხედვით ვერ წაუვიდა.

საქმე ის არის, რომ 48 წლის შმიცმა მწერების ბუდის განადგურება განიზრახა და ბლომად საწვავით შეიარაღებული გარეთ გავიდა.

"ჩემი ცოლი სულ წუწუნებდა, რომ ეზოში უამრავი ბუდეა. მას მწერების ძალიან ეშინია და მეც გადავწყვიტე, რომ ისინი ერთხელ და სამუდამოდ თავიდან მომეცილებინა", — ამბობს ის.

გარეთ დამონტაჟებულმა კამერამ კი ამ დაპირისპირების ყველაზე "ემოციური" კადრებიც კი გადაიღო:

როგორც ხედავთ, კაცმა რაღაც ვერ გათვალა და მწერებთან ბრძოლას საკუთარი გაზონიც შესწირა — ეზო უბრალოდ აფეთქდა!

ძაღლი რომ ძლივს გადაურჩა დაზიანებას კი ეს სახალისო საერთოდ არ არის და დიდი იმედი გვაქვს, რომ მომავალში შმიცი ათჯერ დაფიქრდება და ერთხელ შეერკინება მწერებს.