ერთიანი ნაციონალური მოძრაობის წევრი ჩიორა თაქთაქიშვილი აცხადებს, რომ პარტიაში არავინ კამათობს იმაზე, იქნება თუ არა მიხეილ სააკაშვილი ნაცმოძრაობის ლიდერი:

"მიხეილ სააკაშვილი არის პარტიის და რაც მთავარია, მისი მხარდამჭერების უპირობო ლიდერი".

თაქთაქიშვილის თქმით, ექსპრეზიდენტი ვლადიმერ პუტინისა და ბიძინა ივანიშვილის გაერთიანებული მოქმედებების შედეგადაა დევნილობაში:

"ის [სააკაშვილი] ამ ეტაპზე მთელი თავისი რესურსით ვერ ახერხებს ნაციონალური მოძრაობის თავმჯდომარის ფუნქიების სრულფასოვნად შესრულებას და ეს ნაციონალური მოძრაობისთვის უდიდესი დანაკლისია. ეს გამოჩნდა კიდეც გასული 4 წლის განმვალობაში".

თაქთაქიშვილი აცხადებს, რომ ივანიშვილის დავალებას ნაციონალურ მოძრაობაში არ შეასრულებენ.