პრემიერ-მინისტრმა გიორგი გახარიამ უარყო მედიაში გავრცელებული ინფორმაცია ეკონომიკის მინისტრის შესაძლო გადადგომაზე და ნათია თურნავა "კაბინეტის ერთ-ერთ ყველაზე ძლიერ მინისტრად" დაასახელა.

"სხვა ყველაფერი არის ჭორაობა და მის ცვლილებაზე საუბარი პოლიტიკური კონიუნქტურიდან მოგონილი ჭორებია", — თქვა პრემიერ-მინისტრმა ეკონომიკისა და მდგრადი განვითარების სამინისტროს წარმომადგენლებთან სამუშაო შეხვედრისას. გახარიას განმარტებით, ამ თემაზე კითხვის ნიშნები არ არსებობს და ვერ იარსებებს.

TV პირველის ინფორმაციით, ეკონომიკის მინისტრი ნათია თურნავა თანამდებობას ტოვებს. თურნავა ეკონომიკის მინისტრის პოსტს თითქმის ექვსი თევა იკავებს.