ნასას ორი ასტრონავტი ქალი, ჯესიკა მეიერი და ქრისტინა კოხი ღია კოსმოსში მიემგზავრებიან. ისტორიული ექსპედიცია, დღეს, 18 ოქტომბერს ხელმეორედ დაიწყო.

მისიას თვალი ლაივ რეჟიმში იუთუბზე შეგიძლიათ ადევნოთ.

ქალთა ეკიპაჟი ღია კოსმოსში 5,3 საათს დაჰყოფს. ისინი ელექტროენერგიის დაზიანებულ გამანაწილებელს სათადარიგოთი ჩაანაცვლებენ და უკან დაბრუნდებიან.

ჯესიკა მეიერი და ქრისტინა კოხი

ფოტო: SCIENCE PHOTO LIBRARY

ეს მოქმედება 13 ქალ ასტრონავტს, მათ შორის კოხს, ჩატარებული აქვს, თუმცა მხოლოდ ქალებით დაკომპლექტებული ეკიპაჟი ნასას ღია კოსმოსს პირველად სტუმრობს. ჯესიკა მეიერი მე-14 ქალი ასტრონავტი იქნება, ვინც ამ მისიას შეასრულებს.

მან მნიშვნელოვან მოვლენაზე საერთაშორისო კოსმოსური სადგურიდან დატვიტა:

ქალებით დაკომპლექტებული პირველი მისია 29 მარტს უნდა განხორციელებულიყო. დაგეგმილი კოსმოსში გასვლისთვის შერჩეული იყო ანა მაკლეინისა და კრისტინა კოხის წყვილი, თუმცა მისია მათი ზომის სკაფანდრების არქონის გამო ჩაიშალა. მაკლეინი და კოხი ნასას 2013 წლის თაობის წარმომადგენლები არიან.

პირველი ქალი, რომელიც ღია კოსმოსში გავიდა, საბჭოთა კოსმონავტი სვეტლანა სავიცკაია იყო (ვალენტინა ტერეშკოვას ხომალდი არ დაუტოვებია). მას შემდეგ 500-ზე მეტი ადამიანი იმყოფებოდა მისიებზე ღია კოსმოსში+, თუმცა მათგან მხოლოდ 11% იყო ქალი.