რესპუბლიკური პარტიის ლიდერი და მე-8 მოწვევის პარლამენტის თავმჯდომარე დავით უსუფაშვილი GDS-ის ეთერში აცხადებს, რომ წინა საპარლამენტო საქმიანობის დროს ქართული ოცნებისა და ნაციონალური მოძრაობის თანამშრომლობა არაეფრექტური იყო და დეპუტატები ერთმანეთს არ უსმენდნენ.

მისი თქმით, მსგავსი პრაქტიკა არჩევნებიდან გამომდინარე გარანტირებული იქნება. უსუფაშვილი ასევე ამბობს, რომ პარლამენტი დღესაც იმ დეპუტატებით დაკომპლექტდა რომლებიც გასული წლების განმავლობაში პასიურობდნენ:

"პარლამენტის ეფექტურობა არ იზომება იმით, შიგ რამდენი მანდატი აქვს პარტიას. პარლამენტის ეფექტურობა იზომება იმითი თუ ვინ არის ეს ხალხი, რამდენად კომპეტენტურია, რამდენად მოწადინებულია პარლამენტი იყოს, მე ძალიან ბევრჯერ მითქვამს ,რომ ისინი ვინც 4 წლის განმავლობაში იყვნენ პარლამენტში, იყვნენ ჩემპიონები პარლამენტის სხდომებზე არ მოსვლის, პარლამენტში ყოფნის და ხმის არ ამოღების, არანაირი ინიციატივის არ ქონის და მხოლოდ ღილაკზე თითის დაჭერით გამოირჩეოდნენ. აი ეს ხალხი აღმოჩნდა ქართული ოცნების რჩეული".