ესპანეთის უზენაესმა სასამართლომ ცხრა კატალონიელ სეპარატისტ ლიდერს 9-დან 13 წლამდე პატიმრობა მიუსაჯა 2017 წლის დამოუკიდებლობის რეფერენდუმის გამართვის გამო. კიდევ სამი ბრალდებული დამნაშავეს სცნეს დაუმორჩილებლობაში და დააჯარიმეს. BBC-ის ცნობით,12-ვე ბრალდებული დანაშაულს უარყოფს.

პროკურატურა კატალონიის ყოფილი ვიცე-პრეზიდენტისთვის 25-წლიან პატიმრობას ითხოვდა, თუმცა მას 13 წელი მიუსაჯეს, ამბოხისა და სახელმწიფო სახსრების მითვისებისთვის.

განაჩენის მიხედვით, სეპარატისტებმა კატალონიაში მასობრივი სამოქალაქო დაუმორჩილებლობა გამოაცხადეს.

2017 წელს კატალონიის რეგიონმა ცენტრალური ხელისუფლების მიერ არაკონსტიტუციურად გამოცხადებული რეფერენდუმი ჩაატარა, რომლის მიხედვითაც კატალონიის მოსახლეობამ დამოუკიდებლობა მოითხოვა.

ესპანეთის ხელისუფლება არ აღიარებს რეფერენდუმის შედეგებს. რეგიონის ხელისუფლების დაუმორჩილებლობის გამო მადრიდმა გადაწყვიტა, რომ კატალონიაში პირდაპირი, ცენტრიდან კონტროლირებული მმართველობა დაეწყო, რითაც რეგიონს ავტონომიის სტატუსი შეუჩერდებოდა.

გაიგეთ მეტი: