შინაგან საქმეთა სამინისტრომ სამცე-ჯავახეთში ქალზე ძალადობის ბრალდებით ქმარი და მამამთილი დააკავეს.

უწყების ინფორმაციით, კაცი მამასთან ერთად ცოლს სისტემატიურად აყენებდა სიტყვიერ და ფიზიკურ შეურაცხყოფას, ასევე, მოკვლით ემუქრებოდა.

გამოძიება ჯგუფურად ჩადენილ ოჯახში ძალადობის და ოჯახის წევრის მიმართ მუქარის საქმეზე, საქართველოს სისხლის სამართლის კოდექსის 126 პრიმა მუხლის მე-2 ნაწილის "დ" ქვეპუნქტით, 11 პრიმა-126 მუხლის 1-ლი ნაწილით და 11 პრიმა-151 მუხლის 1-ლი ნაწილით მიმდინარეობს. დანაშაული 2 წლამდე ვადით თავისუფლების აღკვეთას ითვალისწინებს.