პატრიოტთა ალიანსმა 8 ოქტომბრის საპარლამენტო არჩევნების შემდეგ პირველი ბრიფინგი გამართა, რომელზეც პარტიის წევრმა, გოჩა თევდორაძემ განაცხადა, რომ მთავრობის თბილისში, პარლამენტის კი ქუთაისში ყოფნა გარკვეულ პრობლემებს ქმნის:

"ვამბობთ, რომ სესიების უმრავლესობა გადმოვიდეს თბილისში, საპარლამენტო მუშაობა მიდიოდეს თბილისშიც და ქუთაისშიც. რაც შეეხება საპრეზიდენტო არჩევნებს, ირჩეოდეს თუ არა პრეზიდენტი პარლამენტის მიერ, აქ ჩვენ დამაჯერებელი არგუმენტები იმასთან დაკავშირებით, რომ საქართველოს პარლამენტი უნდა ირჩევდეს პრეზიდენტს, ჯერ ვერ მოვისმინეთ. რაც შეეხება მესამე საკითხზე, ქორწინებასთან დაკავშირებით, ჩვენ ვიყავით პირველი ინიციატორები, ვინც საკითხს სვამდა და შემდეგ უკვე სხვა პოლიტიკური ძალების მიერ მოხდა ხელმოწერების შეგროვება. ამიტომ აქაც ჩვენი პოზიცია თავიდანვე ცნობილია".