საქართველოს შინაგან საქმეთა სამინისტროს ინფორმაციით, გენერალურმა ინსპექციამ ნარკოტიკული საშუალებების მოხმარების ბრალდებით თბილისის პოლიციის თანამშრომელი დააკავა.

"მომხდართან დაკავშირებით, საქართველოს გენერალურ პროკურატურაში დაიწყო გამოძიება, ნარკოტიკული საშუალებების შენახვის ფაქტზე", — აცხადებენ უწყებაში.

მათივე განმარტებით, დაკავებულს ბრალი სისხლის სამართლის კოდექსის 260-ე მუხლის პირველი ნაწილითა და 236-ე მუხლის მესამე ნაწილით წაუყენეს, სასამართლომ კი პატიმრობა შეუფარდა.