28 დეკემბრიდან ავიაკომპანია Thai Air Asia X ბანგკოკი-თბილისის მიმართულებით პირდაპირ ჩარტერულ ფრენებს დაიწყებს. TAV Georgia-ს ინფორმაციით, ჩარტერული ფრენები სამი თვის განმავლობაში, კვირაში სამჯერ Airbus 330 ტიპის საჰაერო ხომალდებით განხორციელდება.

Thai Air Asia X საავიაციო ბაზარზე 2014 წლიდან ოპერირებს. TAV Georgia-ს ინფორმაციით, დღეისათვის ეს ავიაკომპანია 66 საერთაშორისო და 29 ადგილობრივი მიმართულებაზე დაფრინავს. Thai Air Asia X-ის ავიაპარკი 12 Airbus 330 ტიპის საჰაერო ხომალდისგან შედგება.

ტავ ჯორჯია TAV Airports Holding-ის შვილობილი კომპანიაა და მისი მოღვაწეობა საქართველოში 2005 წელს დაიწყო და მოქმედი კონტრაქტით 2027 წლამდე გაგრძელდება.