"ცქიტიშვილები კარგ ხაჭაპურებს ვაცხობთ, არც დიდი საქმეების კეთება გვეშლება", — ამ ფორმით უპასუხა მმართველი პარტიის დეპუტატმა, დიმიტრი ცქიტიშვილმა მოძრაობა ლელოს დამფუძნებლის, მამუკა ხაზარაძის სექსისტურ გამონათქვამს მინისტრ მაია ცქიტიშვილის მიმართ.

"მაია ცქიტიშვილს, წარმოდგენა არ აქვს, რა არის ინფრასტრუქტურა. შეიძლება, კარგად აცხობს ხაჭაპურს, მაგრამ მე არ ვიცი მას რა გამოცდილება ჰქონდა წინა ცხოვრებაში, როცა მილიარდებს აბარებენ...", — განაცხადა ხაზარაძემ.

პასუხად ცქიტიშვილმა თქვა, რომ ხაზარაძისგან განსხვავებით, კარგად აცხობს ხაჭაპურს და კარგად აკეთებს მის საქმეს. მან ახალგაზრდა გოგოებს მოუწოდა, არ შეუშინდნენ ასეთი ტიპის განცხადებებსა და დამოკიდებულებას, ისწავლონ, გააკეთონ ის საქმე, რაც უყვართ და მიხედონ თავის ოჯახსა და ქვეყანას.

ხაზარაძის ნათქვამი გააპროტესტა ტელეკომპანია პირველის წამყვანმა, ინგა გრიგოლიამაც. მან პირდაპირ ეთერში ცომი მოზილა.

ამავე თემაზე: