მანჩესტერში თუ მოხვდებით, სეირნობის პარალელურად ფეისბუქის სიახლეების სქროლვა ამიერიდან თქვენთვის გაცილებით უსაფრთხო იქნება.

დიახ, მათზე, ვისაც სმარტფონის გარეშე ცხოვრება ფიზიკურად არ შეუძლია, ქალაქის ადგილობრივმა ხელისუფლებამ იზრუნა და ქუჩაში საგანგებოდ გამოუყო ადგილი. მას "ნელი ზოლი" ჰქვია და მოსიარულეებს შეუძლიათ ამ მონაკვეთში გადაადგილებისას მობილურებიდან "თავები არ ამოყოს".

ფოტო: PINPEP

ეს უჩვეულო გადაწყვეტილება კი იმ კვლევის შედეგებიდან გამომდინარე მიიღეს, რომლის მიხედვითაც გაირკვა, რომ ადამინების საკმაოდ დიდი ნაწილი ქუჩაში გადაადგილების პარალელურად ტელეფონში იყურება და ამით საფრთხეს უქმნის საკუთარ თავსაც და მათაც, ვინც მანქანას მართავს.

ფოტო: PINPEP

ორმხრივი გზა ჯერჯერობით 75 მეტრის სიგრძისაა და მანჩესტერის ცენტრალური ქუჩის ნაწილს მოიცავს.

"როდესაც საქმე საზოგადოებას ეხება, ჩვენ უფრო რეალისტები და პასუხისმგებლიანები უნდა ვიყოთ. ჩვენი კვლევით კი გაირკვა, რომ ბრიტანელებს ძალიან უყვართ ტექნოლოგიებით, ამ პრობლემას კი გადაჭრა სჭირდებოდა", — ამბობს კომპანია AO-Mobile-ის დირექტორი რიჩარდ ბაქსენდელი.