ერთიანი ნაციონალური მოძრაობა გუშინდელი არჩევნების დარღვევებით ჩატარებაზე საუბრობს. ნიკა მელია განმარტავს, რომ 8 ოქტომბრის საპარლამენტო არჩევნების შედეგები გაყალბებულია:

"არჩევნები სხვადასხვა მეთოდით, რაც კი არსებობს არის გაყალბებული: დარბევებით დაწყებული, ყუთების გატაცებით დამთავრებული, ყუთების დამსხვრევით, კომისიის წევრების მოტაცებებით. ვართ ვალდებული, რომ ცოტა ხანში გაცნობოთ ჩვენი კონკრეტული ნაბიჯების შესახებ. ჩვენს რეგიონალურ ლიდერებს ველოდებით, რომლებიც თბილისში მოემგზავრებიან და დღის ბოლოსთვის გაცნობებთ, რას გადავწყვეტთ".

ენმ-ს წევრმა, გიგა ბოკერიამ კი განაცხადა, რომ 8 ოქტომბრის არჩევნებზე თანასწორი პირობები არ იყო:

"ეს იყო ქართველი ამომრჩევლის უტიფრად დაშინების და ნების გატეხვის მცდელობის გზით ივანიშვილის ძალაუფლების შენარჩუნება".