20 ივნისის საქმეზე დაკავებული ლევან ჯიქურის ადვოკატი ამბობს, რომ შიმშილობის გამო დაკავებულის ჯანმრთელობის მდგომარეობა ძალიან მძიმეა. მისი თქმით, ლევან ჯიქური პარალიზებულია და ვერ დადის.

"ფაქტობრივად, შემიძლია ვთქვა, რომ პიროვნება არის განახევრებული, წონაში აქვს დაკლებული 40 კილოგრამი. შაქარი დავარდნილი აქვს, აქვს დაბალი წნევები, პარალიზებულია და დამოუკიდებლად გადაადგილებას ვერ ახერხებს. მარცხენა ხელი და მარცხენა ფეხი აქვს პარალიზებული, გადაადგილდება მხოლოდ ეტლით, ისიც ექიმის დახმარებით", — ამბობს ადვოკატი.

მისივე თქმით, აქედან გამომდინარე სასამართლოში დააყენა შუამდგომლობა, რომ ჯიქურის მიმართ აღკვეთი ღონისძიება პატიმრობა გირაოთი შეეცვალათ, რაც მოსამართლემ არ გაითვალისწინა.

ადვოკატის თქმით, ლევან ჯიქური სასჯელაღსრულების დაწესებულების საავადმყოფოშია გადაყვანილი და პროტესტის ნიშნად შიმშილობას აგრძელებს. მისივე თქმით, ჯიქური შიმშილობს, რადგან თავს უდანაშაულოდ მიიჩნევს.

ჯიქურის სასამართლო პროცესი 23 სექტემბერს გაიმართა. სასამართლომ ის პატიმრობიდან არ გაათავისუფლა. როგორც მოსამართლემ განმარტა დაცვის მხარემ ჯანმრთელობის მდგომარეობაზე დეტალური ინფორმაცია არ წარადგინა.

ამავე თემაზე: