3-4 ოქტომბერს, საქართველოს ჩრდილოატლანტიკური საბჭო (NAC) ეწვევა. ვიზიტი ქალაქ ბათუმში გაიმართება.

დელეგაციას უხელმძღვანელებს ნატოს გენერალური მდივნის მოადგილე, როუზ გოტმიოლერი, ხოლო დელეგაციის შემადგენლობაში ალიანსის 29 წევრი ქვეყნის მუდმივი წარმომადგენლები იქნებიან . როზ გოტმიულერი პრემიერ-მინისტრ გიორგი გახარიასთან ერთად ნატო-საქართველოს კომისიის სხდომას უხელმძღვანელებს.

როგორც ნატოს ვებგვერდზეა აღნიშნული, საბჭოს წევრები შეხვდებიან პრეზიდენტ სალომე ზურაბიშვილს, შინაგან საქმეთა მინისტრ ვახტანგ გომელაურს, თავდაცვის მინისტრ ირაკლი ღარიბაშვილს, ასევე, პარლამენტის თავმჯდომარე არჩილ თალაკვაძესა და სხვა დეპუტატებს.

გარდა ამისა, ნატოს ელჩებს სამუშაო სადილი ექნებათ საგარეო საქმეთა მინისტრთან, დავით ზალკალიანთან. ისინი შეხვდებიან სამოქალაქო საზოგადოებას და საზღვრის დაცვის ორ საზღვაო ხომალდს მოინახულებენ.

ამასთანავე გენერალური მდივნის მოადგილე ბათუმის სახელმწიფო უნივერსიტეტის სტუდენტებს სიტყვით მიმართავს.