ქართულ ოცნებაში ბრიფინგი გაიმართა, რომელზეც პარტიის აღმასრულებელმა მდივანმა, ირაკლი კობახიძემ განაცხადა, რომ ცესკოს მიერ გამოქვეყნებულმა წინასწარმა შედეგებმა ცხადყო, რომ მმართველმა ძალამ დამაჯერებელი გამარჯვება მოიპოვა:

"ქართულ ოცნებას მხარი დაუჭირა მოსახლეობის აბსოლუტურმა უმრავლესობამ და ჩვენი პარტია მაღალი ლეგიტიმაციით განაგრძობს ქვეყნის განვითარებაზე ზრუნვას. წინასწარი მონაცემებით, ჩვენა 20-ზე მეტმა კანდიდატმა პირველივე ტურში მოიგო საპარლამენტო არჩევნები მაჟორიტარულ არჩევნებში. ასევე, წინასწარი შედეგები ცხადყოფს, რომ ჩვენი კანდიდატები მეორე ტურში ყველა მაჟორიტარულ ოლქში მოიგებენ".

მან ასევე განმარტა, რომ არჩევნებმა უმეტესად მშვიდად ჩაიარა და რამდენიმე ინციდენტის შემთხვევა გაიხსენა, მათ შორის მარნეულში მომხდარიც. კობახიძემ განმარტა, რომ არჩევნებამდე ქართული ოცნება აფრთხილებდა მოსახლეობასა და სამართალდამცავებს, რომ ენმ-ს მხრიდან პროვოკაციები იგეგმებოდა:

"მარნეულიც ინციდენტმა საეთერო დროის დიდი ნაწილი დაიკავა, რაც ნაცმოძრაობის მიზანი იყო. ამ პროვოკაციის ავტორებმა მკაცრად უნდა აგონ პასუხი კანონის წინაშე. გარდა ამისა, დაფიქსირდა ინციდენტები ჯიხაშკარსა და ქუთაისში,რაზეც გამოძიება დაწყებულია, ენმ-ს აქვს უსუსური მცდელობა, განახორციელოს თავისი გეგმა, რაზეც არაერთხელ ვისაუბრეთ და სურს, ხელოვნურად მოახდინოს დესტაბილიზაციის პროვოცირება".