NDI-ს კვლევის თანახმად, პრეზიდენტ სალომე ზურაბიშვილის საქმიანობას კარგად მოსახლეობის მხოლოდ 12 პროცენტი აფასებს. მოსახლეობის 40 პროცენტი ამბობს, რომ პრეზიდენტის საქმიანობა ცუდია, ხოლო 36 პროცენტი — საშუალო.

ამავე კვლევაში სხვა ლიდერების საქმიანობის შეფასებაცაა მოცემული. თბილისის მერის, კახა კალაძის საქმიანობას კარგად მოსახლეობის 45 პროცენტი აფასებს. მოსახლეობის 13 პროცენტი კარგად აფასებს პრემიეერ-მინისტრ მამუკა ბახტაძის საქმიანობას, ხოლო 10 პროცენტი პარლამენტის თავმჯდომარის არჩილ თალაკვაძის საქმიანობას.

კვლევა 2019 წლის 13-29 ივლისის პერიოდში ჩატარდა. გამოიკითხა საქართველოს მასშტაბით 2 131 ადამიანი პირისპირ ინტერვიუს წარმომადგენლობითი შერჩევის საფუძველზე. გამოკითხვის საშუალო ცდომილების ზღვარი არის +/- 1,7%.