ოკუპირებული ტერიტორიებიდან დევნილები ბინებით დაკმაყოფილებას ითხოვენ და ჯანდაცვის სამინისტროში საპროტესტო აქციას მართავენ. მათ ჯანდაცვის მინისტრთან, ეკატერინე ტიკარაძესთან შეხვედრა სურთ, წინააღმდეგ შემთხვევაში კი ამბობენ, რომ არ დაიშლებიან და ღამეს სამინისტროში გაატარებენ.

"აქ შეკრებილები ვართ დღის ოთხი საათიდან და არ ვაპირებთ დაშლას, სანამ კონკრეტულ პასუხებს არ მივიღებთ ან ქალბატონი მინისტრისგან, ან თვითონ პრემიერ-მინისტრისგან", — უთხრა აქციის ერთ-ერთმა მონაწილემ მთავარ არხს.

ჯანდაცვის სამინისტროს პრესსამსახურში On.ge-ს უთხრეს, რომ მინისტრი მივლინებით აშშ-ში იმყოფება.

"აქ იმყოფება მინისტრის მოადგილე, გიორგი წოწკოლაური, მომსახურების სააგენტოს ხელმძღვანელის მოადგილე, აქ არიან შესაბამისი სამსახურის წარმომადგენლები. ჩვენ ვთავაზობთ შეხვედრას, მაგრამ ისინი კატეგორიულად ითხოვენ მინისტრთან საუბარს", — აღნიშნეს სამინისტროში.