"კურიცი", "ემზარი დაგჩინჩლავთ", "ვინც გარეთ დგახართ, თქვენს დედებს შე**ცი", — სწორედ ასეთი შეურაცხმყოფელი სიტყვებით მოიხსენიებს ზუგდიდის ბიბლიოთეკების მართვის ცენტრის დირექტორის მოადგილე, ზაზა ფარცვანია #სირცხვილიას აქტივისტებს. პოსტებზე ინფორმაცია რადიო ათინათმა გაავრცელა.

პარლამენტის წინ 8 სექტემბერს განვითარებულ მოვლენებს ფარცვანიამ ფეისბუქზე რამდენიმე პოსტი მიუძღვნა. ამჟამად პოსტები აღარ იძებნება.

"ქათმები, ნუ დადიხართ გარეთ, თორემ ემზარი [კვიციანი] დაგიჭერთ, დაგჩინჩლავთ და გაგიშვებთ".

ფოტო: სქრინი ზაზა ფარცვანიას Facebook-დან

ფოტო: სქრინი ზაზა ფარცვანიას Facebook-დან

On.ge-მ სცადა ზაზა ფარცვანიასთან დაკავშირება, თუმცა მას ტელეფონი გამორთული აქვს. მან რადიო ათინათს უთხრა, რომ ის საჯარო მოხელე არაა და ფეისბუქი მისი პირადი სივრცეა.

"უკვე გამაღიზიანებელია ამ პროვოკატორების საქციელი, ქვეყნის განვითარებას ხელს უშლიან და ისე არ უნდათ ქვეყნისთვის კარგი, როგორც მე ჩინეთისთვის", — უთხრა ფარცვანიამ რადიო ათინათს.

#სირცხვილიას აქტივისტების გარდა ზაზა ფარცვანია სხვადასხვა დროს შეურაცხმყოფელ პოსტებს წერდა ნაციონალურ მოძრაობაზე და რუსთავი 2-ის ჟურნალისტებზე.

8 სექტემბერს პარლამენტთან ცხვრების მიყვანის შემდეგ პატრიოტთა ალიანსის დეპუტატი, ემზარ კვიციანი პარლამენტის შენობიდან გამოვიდა და აქციის მონაწილეებს სიტყვიერი და ფიზიკური შეურაცხყოფა მიაყენა.

ამავე თემაზე: